kvinne i naud?

No har eg fått ut fingeren og skifta til sommardekk. Eg vart veldig nøgd med meg sjølv etter å ha tatt operasjonen sjølv. I alle høve NESTEN. Eg skal seie det slik det var, og har ingen problem med å innrømme at eg var for veik til å få opp mutrane. Kva gjer vel det? Ein hyggeleg vaktmeister ved den nærliggande ungdomsskulen kom tilfeldigvis forbi då eg skulle til å byrje operasjonen, og spurde om eg trong hjelp. Det hadde vore heilt glimrande, svara eg, det var då veldig snilt tenkt! og nokre sekund seinare var han i gang. Vaktmeisteren skrudde opp mutrane, eg jekka opp bilen og før eg nesten rakk å tenkje meg om var sommardekka på! Å skifte dekk var enklare enn eg trudde..!