oktober 1, 2009 av frøkna
Hadde eg hatt same forhold til jula som Ica og Rema1000, hadde denne fyrste dagen i oktober vore ein grei dag å poste eit bilete av ei julenisse. Eg seier dette fordi eg tidleg i veka, medan det endå var september, registrerte at kakemennene ligg klare i butikkhyllene. Heilt tragisk spør du meg. Eg har jo enno ikkje avvikla den årlege veka med avspasering, og så kjem handelstanden og seier at det er på tide å kjøpe seg julekaker?
Når det er sagt, så har eg starta produksjonen av julegåver. Juhu! Symaskina lenge leve!
Posta på kvardag | Legg att ein kommentar »
september 15, 2009 av frøkna
Eg har då visst sidan eg kjøpte bilen min at det var ein Edition-utgåve. Ein del ekstrautstyr på bilen, altså. Men at dei utvendige speila kan nyttast for kyr som er bevisste for korleis look’en er, fekk eg ikkje snusen i før eg såg det sjølv. På Tungestølen i Luster var det bryllaup i helga, og kyrne lot seg rive med. Eit nydeleg brudepar, og slåande vill, vakker natur som kulissar, var altså nok til at Dagros og veninnene hennar vart hengande rundt stølen, OG bilen min.
Tungestølen 
Brudeparet og eg i tullepositur, dagen derpå.
Og for ikkje å gløyme min hoppande Ivar! 
Posta på klimaks | 2 kommentarar »
august 28, 2009 av frøkna
Forrige helg vart dei vigde, Synnøve og Jonne – i vakre Viby i Skåne. Noreg er igjen i union med Sverige! Det går ikkje an å seie anna enn at dei var – og er veldig fine! Och vilken fest dei laga! Ju hu!
Posta på klimaks | Legg att ein kommentar »
august 15, 2009 av frøkna
Nok ein del av vestlandet er beskua på tampen av sommaren; denne gongen frå sjøsida. På ei øy stod desse sauene. Dei såg ut til å ha det kjekt i lag!
Posta på kvardagslukke | Legg att ein kommentar »
Ein sommar for nokre år sidan vurderte eg sterkt å setje inn annonse i Bondebladet om at eg kunne passe sau. Det vart ikkje slik då, og det er jo slikt ein kan angre på at ein ikkje gjorde. Då eg fekk høve til å sjå etter sau på Fivlingen ilag med , og at ein samstundes kunne bu på setra til Lægreid og co, var eg ikkje vanskeleg å be. Tilhøyrande tur, saltmat og søtmat (ja, masse fenalår) og gode vibbar frå den store gule stjerna gjer godt. Hald fram med å lese »
Posta på kvardagslukke | 2 kommentarar »
For eit par veker sidan tok eg turen til Jæren, og fekk gleda av å besøke Anna, Brita og Kristin. Hald fram med å lese »
Posta på kompisar, kultur | Tagga Hå gamle prestegård, Jæren, Obrestad fyr | Legg att ein kommentar »
Ein treff på mykje rart. I Kalfarlien dukka det opp ei løve. Ho hadde ei brølande latter. Ein hadde ikkje anna val enn å le med.
Posta på kompisar | Tagga løvedrakt | 1 kommentar »
Det er fyrste sommar sidan eg var 15 år at eg faktisk tek fri. Sommaren 2009 er fri for sommarjobbing. Eg er altså i ferd med å oppleve den mykje omtala lærarferien for fyrste gong. Så langt kjennast det veldig bra, og kan like at det fortset slik som dette. Eg seier:
- TID!
- ta ein dag av gangen.
- vakne når kroppen vaknar av seg sjølv (og fuglesongen)
- høyre sommaropera
- familie
- bade (Sotra er best)
- Reiseradioen
- nyte debutplata til Robert Smith-Hald, sjå her: http://www.myspace.com/robertsmithhald
- sandalskille
- få sommarsveis
- bryllaup i Trøndelag
- Ligretto
- fregnar på skuldrene
… og det beste er at det er 6 veker att av denne herlegdomen!
Posta på klimaks, kvardagslukke | Legg att ein kommentar »
Nokre av lambisauene til Ranveig i Eidfjord. Då eg såg dei, fekk eg bekrefta (igjen) at eg har ein fascinasjonen min for sau (sjå blant anna her). Men er det så rart då?
Første helga i mai slapp dei små dultane ut av fjøset for fyrste gong, og tok sine fyrste skritt på gras. Det vart eit syn for auga som ein ikkje kan sjå seg mett på!
Posta på kvardagslukke | Tagga Eidfjord, Lægreid, sau | Legg att ein kommentar »
